Putin: \"Qərb sanksiyalar tətbiq etsə də iqtisadiyyatımız güclüdür\" - VİDEO

"Rusiya iqtisadiyyatı Qərb sanksiyalar tətbiq edərkən güman etdiyindən qat-qat güclü oldu".

Bizim.Media xəbər verir ki, bunu Rusiya Prezidenti Vladimir Putin Federal Məclisə müraciətində bildirib.

Onun sözlərinə görə, ölkəsində iqtisadi vəziyyətin sabitliyi təmin edilərək, bazarda mal qıtlığının qarşısı alınıb:

"Rusiyanın Ümumi Daxili Məhsulu (ÜDM) son məlumatlara görə, 2,1% azalıb, baxmayaraq ki, 20%-ə qədər azalma proqnozlaşdırılırdı. Rusiya Federasiyası sanksiyalar fonunda iqtisadiyyatı dəstəkləmək üçün emissiya hesabına deyil, möhkəm bazar əsasında 1 trilyon rubldan çox vəsait yönəldib", - deyə Putin vurğulayıb.

O həmçinin qeyd edib ki, Rusiya Federasiyasının beynəlxalq hesablaşmalarında rublun payı 2021-ci ilin dekabr ayı ilə müqayisədə iki dəfə artıb.

Putin qeyd edib ki, dollar və digər Qərb valyutaları Qərbin özünün siyasəti nəticəsində universal xarakterini itirəcək.

Bizim.Media