“Keçmiş SSRİ xalqlarının qida rasionunun siyahısı hazırlanarkən ermənilərin təşəbbüsü ilə azərbaycanlıların qida rasionuna eşşək əti də salınıb. Bununla da ermənilər dünyaya azərbaycanlıları “eşşək əti yeyən xalq” kimi təqdim etməyə çalışıblar”.
Bunu Bizim.Media-ya açıqlamasında Azad İstehlakçılar İB-nin sədri Əyyub Hüseynov bildirib.
MÖVZU İLƏ BAĞLI:
Sabirabadda eşşək əti satana qanunla cəza düşürmü? – CAVAB
O əlavə edib ki, “SSRİ-də qida məhsullarının növü və qiyməti” adlı kitab 1963-cü ildə SSRİ Nazirlər Sovetinin tövsiyyəsi ilə nəşr olunub:
“Burda bir vacib məqamı qeyd edim ki, o zaman qatı millətçi Anastas Mikoyan SSRİ dövlətində əsas simalardan biri idi. Və yəqin ki, bu da Anastasın növbəti “xidməti” idi.
Xatırlatmaq istəyirəm ki, keçmiş SSRİ-də planlı iqtisadiyyat vardı. Nəinki, hər müttəfiq respublikanın, hətta ən xırda yaşayış məntəqəsi üçün də proqnozlar hazırlanırdı. O cümlədən də bölgələrdəki insanların mğşğulluğu, ehtiyacı və qida rasionu da dəqiq hesablanırdı”.
Əyyub Hüseynov onu da əlavə edib ki, bu kitabda SSRİ daxilində, habelə bu ittifaqın təsiri altında olan dövlətlərin qida rasionundakı ətin növləri göstərilib:
“Eyni zamanda burada ətin keyfiyyəti və qiymətləri barədə də məlumatlar yer alıb. Siyahıya nəzər saldıqda görünür ki, yalnız Azərbaycanda eşşək əti yeməli ət kimi göstərilib. Sözügedən kitab ermənilər tərəfindən tərtib olunub. Bu da mənfur qonşumuzun uzun illər ölkəmizə qarşı apardığı məkrli siyasətdən xəbər verir. Bu fakt həm xalqımızı aşağılamaq məqsədi daşıyıb, həm də keçmiş SSRİ-də eşşək ətinin Azərbaycana tədarük edilməsinə istiqamət verib. Bildiyimiz kimi o zamanlar bir çox ərzaqlar, o cümlədən ət məhsulları talonla verilirdi və donmuş şəkildə olurdu. Donmuş ətin mənşəyini isə sadə vətəndaş müəyyən edə bilməzdi. Belə faktlar bizə düşmənimizi daha yaxından tanımaq imkanı verir”
Surxay Atakişiyev, Bizim.Media
