Portuqaliya millisinin üzvü Kriştiano Ronaldo yığma ilə birlikdə DÇ-2026-da da oynamaq istəyir.
Bizim.Media xəbər verir ki, bu barədə "Marca" məlumat yayıb. 37 yaşlı forvard hələ millidəki karyerasını başa vurmağı düşünmür.
Belə ki, Ronaldonun məqsədi 2026-cı ildə keçiriləcək dünya çempionatında mübarizə aparmaqdır.
Qeyd olunur ki, Portuqaliyanın DÇ-2022-dəki uğursuzluğu Ronaldo üçün güclü zərbə olub. İndi onu çətin dövr gözləyir. Forvard bu nəticəni qəbul etməyə çalışır. Kriştiano üçün daha çətini Portuqaliyanın 1/4 finalda Mərakeşə uduzaraq (0:1) mübarizəni dayandırmasından sonra Lionel Messinin çıxış etdiyi Argentinanın dünya çempionu olmasıdır.
Qeyd edək ki, Ronaldo 2003-cü ildən Portuqaliya millisində oynayır. Onun son klubu isə ötən ay ayrıldığı "Mançester Yunayted" olub. Ronaldo hazırda azad agent statusu daşıyır. Futbolçunun adı Səudiyyə Ərəbsitanının "Əl-Nəsr" klubu ilə hallanır.
Əlavə edək ki, 2026-cı ilin dünya çempionatı ilk dəfə üç ölkədə (Kanada, Meksika və ABŞ) təşkil olunacaq. Həmçinin DÇ-2026-nın final mərhələsində ilk dəfə olaraq 48 komanda iştirak edəcək. Hazırda yarış iştirakçılarının sayı 32 komandadan ibarətdir.
Bizim.Media
![Ronaldo DÇ-2026-da oynamaq istəyir Ronaldo DÇ-2026-da oynamaq istəyir](https://bizim.media/file/articles/2022/12/21/1671570587_3.jpg)
- A-
- A
- A+
İdman
03:31 / 21.12.2022
Ronaldo DÇ-2026-da oynamaq istəyir
Hazırda oxunan: Ronaldo DÇ-2026-da oynamaq istəyir
Hazırda oxunan: Ronaldo DÇ-2026-da oynamaq istəyir
110734
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.