İlon Mask Avropa Parlamentində ifadə verəcək

"SpaceX", "Tesla" və “Twitter”in sahibi İlon Mask Avropa Parlamentində ifadə verməyə dəvət olunub.

Bizim.Media “Politico”ya istinadən xəbər verir ki, Maskdan qanunvericilərlə “açıq ictimai dialoq” üçün Brüsselə gəlmək xahiş olunub.

Bununla bağlı müvafiq məktub Maska Avropa Parlamentinin prezidenti Roberta Mesola tərəfindən göndərilib.

“Twitter” Avropa Birliyinin demokratik həyatında əsas rol oynayır və vətəndaş diskursuna imkan yaradır. Bu səbəbdən də “Twitter” qeyri-ixtiyari də olsa, nifrətin, seçkilərə müdaxilənin və dezinformasiyanın katalizatoruna çevrilməməlidir”, - deyə siyasətçi qeyd edib.
Noyabr ayında Roberta Mesola liberal qanunvericilərin İlon Maskın Avropa Parlamentinə dəvət olunması təklifini qəbul edib. O bildirib ki, Maskın dəvəti qəbul edəcəyinə əmindir.

Bizim.Media