Azərbaycanda tüğyan edən hansı virusdur? - AÇIQLAMA

“Azərbaycanda son günlər yayılan qrip virusu kəskin respirator virus infeksiyasıdır”.

Bunu Bizim.Media-ya açıqlamasında tibb elmləri namizədi Aydın Əliyev son zamanlar ölkəmizdə geniş yayılan qrip virusunun nə olduğuna aydınlıq gətirərkən deyib:

“Hər hansı bir ölkədə hansısa yolxucu xəstəliklə bağlı artım tempi müşahidə edilərsə, müvafiq qurumlar xəstələrdən müvafiq testlər götürməli, müayinələr aparalı, qan analizləri almalıdırlar. Bu yolla virusa səbəb olan törədicinin hansı mikrob olduğunu dəqiq təyin etməlidirlər. Amma təəssüf ki, ölkəmizdə belə testlər aparılmır. Müşahidələr göstərir ki, son vaxtlar uşaqlarda kəskin respirator virus infeksiyası pnevmaniya ilə də müşayiət olunur”. 

Həkim deyir ki, bu virusdan tam qorunmaq mümkün deyil:

“Virusa qarşı mübarizə üçün əsasən uşaqların immunitetinin gücləndirilməsinə fikir verməliyik. Bunun üçün də normal qidalanmaq kifayətdir. Çalışmalıyıq ki, stres halları da azalsın”.

Rüfət Sultan, Bizim.Media