Şəki şəhərində doğulub boya-başa çatan Azərbaycan ordusunun hərbi qulluqçusu, 2001-ci il təvəllüdlü Fərid Qiyas oğlu Lətifov ölümündən sonra “Azərbaycan Bayrağı” ordeni ilə və “Vətən uğrunda” medalı ilə təltif edilib.
Bizim.Media –nın yerli bürosunun məlumatına görə 5 noyabr 2022-ci il tarixdə Prezident İlham Əliyev Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında şəhid olmuş bir qrup hərbi qulluqçunun ölümlərindən sonra orden və medallarla təltif edilməsi barədə sərəncam imzalayıb.
Təltif edilənlər arasında bu ilin 13 – 14 sentyabr tarixlərində Ermənistanla sərhəddə düşmən tərəfinin təxribatı nəticəsində şəhid olan Fərid Lətifov də var.
Qeyd edək ki, 21 yaşlı Fərid Lətifov Vətən müharibəsi iştirakçısı olub. O, Füzulinin, Cəbrayılın, Xocavəndin, Kəlbəcərin və Şuşanın azad edilməsinə görə medalları ilə təltif edilib.
Şəhidimiz 15 sentyabr 2022-ci il tarixdə Şəkidəki şəhidlər xiyabanında dəfn edilib.
Tural Rasim oğlu, Bizim.Media, Şimal-Qərb bürosu
- A-
- A
- A+
Cəmiyyət
17:20 / 07.11.2022
Sentyabr təxribatlarında şəhid olmuş hərbçimiz təltif edildi – FOTO
Hazırda oxunan: Sentyabr təxribatlarında şəhid olmuş hərbçimiz təltif edildi – FOTO
Hazırda oxunan: Sentyabr təxribatlarında şəhid olmuş hərbçimiz təltif edildi – FOTO
103217
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
