Gürcüstanda etiraz aksiyası – 250 min nəfər işsizdir!

Hazırda oxunan: Gürcüstanda etiraz aksiyası – 250 min nəfər işsizdir!

10258

Gürcüstanda restoran və kafe sahibləri hökümətə etiraz edib.

Bizim.Media xəbər verir ki, bu barədə TASS məlumat verib.

Belə ki, etiraz olaraq 200-dən çox iaşə obyekti etiraz olaraq qida çatdırılma xidmətini dayandırıb.

Restoratorlar Assosiasının rəhbəri Şota Burcanadze deyib ki, aksiya və boykotun məqsədi hökumətə restoran və kafesiz qalacağı təqdirdə ölkənin hansı vəziyyətə düşəcəyini göstərməkdir.

“Tələbimiz sadədir - bizə tam işləmək, qonaqları salonlarda qəbul etmək və yerləşdirmək imkanının verilməsidir. Təbii ki, biz bütün karantin rejiminə əməl edəcəyik”.

Assosiasiyanın rəhbərinin sözlərinə görə, hazırda bu sahədə işləyən 250 min nəfər işsizdir.

Burcanadze həm də, hotel və mehmanxanaların tərkibindəki restoranların işinə niyə icazə verildiyi, digər iaşə müəssisələrinin isə bunu edə bilmədiyi barədə də çıxış edib.

Etirazçılar Tbilisidə Puşkin meydanında bir araya gələrək Hökumət Sarayına getməyi planlaşdırırlar.

Bizim.Media