Zaqatala rayonunda avtoxuliqanlıq edib sosial şəbəkələrdə görüntülərini paylaşan sürücü saxlanılıb.
Bu barədə Bizim.Media-nın yerli bürosuna Daxili İşlər Nazirliyinin Mətbuat Xidmətinin Şəki regional qrupundan məlumat verilib.
Polis əməkdaşlarının ilkin araşdırmaları ilə məlum olub ki, Ramazan Mahmudov idarə etdiyi “VAZ-2107” markalı avtomobillə intizamsızlıq edərək yol hərəkəti qaydalarını bir neçə dəfə kobud şəkildə pozub və həmin avtoxuliqanlıq hərəkətlərini “Tik-Tok” sosial şəbəkəsində paylaşıb.
Gənc sürücü haqqında toplanan materiallar hüquqi qiymət verilməsi üçün Zaqatala rayon məhkəməsinə göndərilib.
Məhkəmənin qərarı ilə Ramazan Mahmudov barəsində qanunamüvafiq tədbir görülüb.
Tural Rasimoğlu, Bizim.Media, Şimal-Qərb bürosu
