“BBC”nin canlı efirində otağa anidən uşaqlarının və onları çölə çıxarmağa çalışan həyat yoldaşının girməsi ilə gündəm olan professor Robert Kelli ailəsi ilə yenidən diqqət mərkəzinə düşüb.
Bizim.Media xəbər verir ki, kuryoz hadisə nəticəsində məşhurlaşan ailənin yeni fotoları “X”də viral olub.
Canlı yayım zamanı məşhurlaşmış Marionun artıq 12, Ceymsin isə 9 yaşı var.
Xatırladaq ki, 2017-ci ildə professor Robert Kellinin canlı yayımda qonaq olarkən əvvəlcə uşaqları, ardınca isə həyat yoldaşı otağa daxil olmuşdu.
Qısa müddət ərzində çox məşhurlaşan video yutubun illik “hit parad”ına daxil olmuş, professor Kelli isə sosial şəbəkələrin ulduzuna çevrilmişdi. Bu hadisədən sonra ailə dəfələrlə müxtəlif canlı yayımlara qatılıb, həmin gün və sonradan baş verənlərdən danışıb. (Qafqazinfo.az)
Bizim.Media
