Lukaşenkonun Qərbdən TƏLƏBİ: “Rusiyanın Ukraynaya hücum etmək istədiyini sübuta yetirin” - VİDEO

Belarus prezidenti Aleksandr Lukaşenko bildirib ki, Qərb ölkələri Rusiya Federasiyasının Ukraynaya hücum planları tezisini irəli sürüb və onları “faktları masaya qoymağa” dəvət edib.

Bizim.Media xəbər verir ki, bu haqda informasiyanı “RİA Novosti” agentliyi yayıb.

"Yenə "tərəfdaşlarımız" (Rusiyada onları belə adlandırırlar), daha doğrusu rəqiblərimiz, Rusiyanı yenidən qurmağa çalışırlar. Ona görə də, Rusiya Ukraynaya hücum edəcək tezisini irəli sürdülər. Bunu deyirsənsə, faktları masaya qoyun və bu tezisi təsdiqləyin". Lukaşenko bazar ertəsi hərbi təhlükəsizlik məsələləri ilə bağlı iclasda belə deyib.

Lukaşenko eyni zamanda hesab edir ki, Qərb öz bəyanatlarını dəstəkləmək üçün inandırıcı arqumentlər gətirməyəcək. 

Onun sözlərinə görə, bunu miqrasiya böhranı yaratmaqda ittiham olunan və təsdiqlənməmiş ittihamların yayıldığı Belarusa münasibətdə də görmək olar.

"Bəyan edirlər ki,  "Belarus Somalidən miqrantları gətirib, sərhəddən keçirir”. Mən artıq demişəm ki, Belarus ərazisində həmin somalilərdən yalnız bir-iki nəfər tapılıb. Onlar bu faktı belə eşitmək istəmirlər”, deyə Belarus dövlətinin başçısı qeyd edib.

Onun fikrincə, “Rusiya Federasiyası ətrafında Ukraynaya hücum etmək niyyəti adı altında aktiv hərəkətlər başlayır”.

"Rusiyanın Ukraynaya planlaşdırdığı hücumla bağlı məndə məlumat yoxdur. Amma belə planlar olsaydı, Belarus hərbçiləri, o cümlədən mən də bundan xəbərdar olardım. Bizə məlumat verilərdi", - Lukaşenko yekunlaşdırıb. 

Bizim.Media