“Millətin iradəsinə zərbə vurularaq demokratiya və insan hüquqlarının heçə sayıldığı 12 sentyabr demokratiyamızın qara ləkəsidir”.
Bizim.Media xəbər verir ki, bu sözləri Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun 12 sentyabr dövlət çevrilişinin 41-ci ildönümü münasibətilə “Twitter” hesabından etdiyi paylaşımda qeyd edib.
MÖVZU İLƏ BAĞLI:
“Türkiyə gözləmə odası olmayacaq” – Fəxrəddin Altundan sərt REAKSİYA
15 iyul müqavimətinin türk millətinin bir daha 12 mart, 12 sentyabr və 28 fevral kimi iradələrini heçə sayan cəhdlərə icazə verməyəcəyini göstərdiyini vurğulayan Altun 12 sentyabr çevrilişi ilə bağlı video da paylaşıb.
Videoda 12 sentyabrda 650 min nəfərin saxlanıldığı, 1 milyon 683 nəfərin təqiblərə məruz qaldığı, 210 min nəfər haqqında cinayət işi açıldığı, minlərlə insanın vətəndaşlıqdan çıxarıldığı və həbsxanalarda işgəncələrə məruz qalaraq öldüyü, 50 nəfərin isə xuntaçılar tərəfindən edam edildiyi bildirilib.
17 yaşlı Erdal Erenin xuntaçıların qərarı ilə yaşı böyüdülərək Ankara Ulucanlar həbsxanasında edam edildiyi xatırladılan videoda “15 iyulda millətimiz yeni “12 sentyabrlara” icazə verməyəcəyini bütün dünyaya elan edib.
Bu gün türk milləti 12 sentyabr xuntasının qurbanlarının əziz xatirələrini qorumağa və bu torpaqları möhkəm gələcəyə hazırlamaq üçün inamla addımlamağa davam edir” - ifadələrinə yer verilib.
Alçina Amilqızı, Bizim.Media
Milletin iradesine darbe vurularak, demokrasinin, insan haklarının hiçe sayıldığı 12 Eylül, demokrasimizin kara bir lekesidir. 15 Temmuz direnişi de göstermiştir ki milletimiz bir daha 12 Mart, 12 Eylül, 28 Şubat gibi kendi iradesini hiçe sayan teşebbüslere geçit vermeyecektir. pic.twitter.com/qijwVhRGX3
— Fahrettin Altun (@fahrettinaltun) September 12, 2021
