Mingəçevirdə həkimin pul qabını oğurlayan şəxs anbaan kameraya düşüb.
Bizim.Media xəbər verir ki, hadisə Mingəçevir şəhər 20 yanvar küçəsində fəaliyyət göstərən stomatoloji klinikada qeydə alınıb.
Oğurluq əməlini törədən şəxs həkimin şəxsi əşyaları saxlanan rəfə yaxınlaşıb ona məxsus pul qabını götürərək klinikanı tərk edib.
Oğurluq əməli isə otaqda quraşdırılan təhlükəsizlik kamerasında anbaan qeydə alınıb.
DİN-in Mətbuat Xidmətinin Şəki regional qrupundan bildirilib ki, əməli törədən şəxsin kimliyi müəyyən olunub və saxlanılması istiqamətində polis əməkdaşları tərəfindən tədbirlər həyata keçirilir.
Bizim.Media
