Bakının Xəzər rayonununun Binə qəsəbəsində mebel mağazasında yanğın baş verib, xəsarət alan var.
Bizim.Media xəbər verir ki, hadisə qəsəbənin Əli İsazadə küçəsində yerləşən 3 mərtəbəli mebel satış mağazasının birinci mərtəbəsində qeydə alınıb.
Əraziyə FHN-in Dövlət Yanğından Mühafizə Xidmətinin əməkdaşları çağırılıb və yanğın söndürülüb.
Hadisə zamanı mağazanın sahibi, 1980-ci il təvəllüdlü Həbibov Ramin Hidayət oğlu xəsarət alıb. Yanğın təqribən 150 kvm. ərazini əhatə edib.
Hadisənin təfərrüatı araşdırılır.
Bizim.Media
