Gürcüstan parlamenti qarşısında etiraz aksiyası keçirilir. Qanunverici orqanın yaxınlığına tələbələr, “Qadınlar marşı”nın iştirakçıları, sadə vətəndaşlar, eləcə də müxalifət nümayəndələri gəlib.
Bizim.Media Gürcüstan mətbuatına istinadən xəbər verir ki, aksiya iştirakçıları çıxışlarında qadınların ölkənin Avropa seçimindən geri çəkilməyəcəklərini qeyd ediblər.
"Avropa seçimi bizdən alına bilməz, Avropa - bizim konstitusiya seçimimizdir", - deyə aksiya iştirakçıları bildirir.
Aksiyada Gürcüstanın dövlət himni səsləndirilib, çıxışlar edilir. Rustaveli prospektində yol bağlanıb.
Ümumilikdə Tbilisi küçələrində 10 000-dən çox insanın nümayişlərə qatıldığı bildirilir.
Bizim.Media
