Xankəndi yolunda Azərbaycan bayrağı dalğalanır – ANBAAN VİDEO 

Şuşa-Xankəndi yolunun üzərində bu gün də Azərbaycan bayraqları asılıb. 

Bizim.Media-nın Qarabağ bürosunun məlumatına görə, bayraqlar aksiya iştirakçılarının alqışlarının müşayiəti ilə kran vasitəsilə yuxarıya qaldırılıb. 

Həmçinin etirazçılar “Azərbaycan var olsun, istəməyən kor olsun!”, “Azərbaycan oyaqdır, sərvətinə dayaqdır!”, şüarları səsləndiriblər.

Qeyd edək ki, bir sutkadan artıq müddətdir ki, Rusiya sülhməramlılarının müvəqqəti nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə Qarabağ iqtisadi rayonunda ekoloji terrora son qoyulması tələbi ilə etiraz aksiyası keçirilir. 

Elgün Gəncimsoy, Bizim.Media, Qarabağ bürosu.