Müğənni Kərim Abbasovu xanım həmkarı Türkan Vəlizadə canlı efirdə pərt edib.
Bizim.Media xəbər verir ki, sənətçi "Şourum" maqazin verilişinə müsahibəsində bir müddət əvvəl qatıldığı verilişlərin birində Türkanla uğursuz alınan duetinin pərdəarxası məqamlarından söz açıb.
Vəlizadənin Abbasovdan xəbərsiz oxuyacaq mahnının notunu yuxarıya qaldırması Kərimin "yeddi qatından" keçib.
"Verilişlərin birində xanım həmkarım Türkan Vəlizadə ilə iştirak edirdim. Canlı ifamız olacaqdı. Türkan filan notda onunla duet oxumağımı istədi. Onunla razılaşdım. Reklam fasiləsində xəbərim olmadan Türkan musiqiçilərdən səsləndirəcəyimiz mahnını bir not daha yuxarı ifa etmələrini istəyib. Mikrofonu götürüb, nəğməni oxumaq istəyəndə, ifa edə bilmədim. Səsim məni pis vəziyyətdə qoydu. Ağlıma da gəlmədi ki, Türkan mahnını bir not daha yuxarı qaldırar. Bunu görüb dedim ki, "Allah səni öldürsün Türkan" - deyə K.Abbasov bildirib.
Rəşad Əliyev, Bizim.Media
