“Həyatıma qəsd etmək istəyənlər çox olub” – Namiq Qaraçuxurlu 

“Şou-biznesdə də elə insanlar var ki, xətrini istəyirsən, hörmətlə yanaşırsan, bir az populyar olan kimi sənə “ulduzluq” göstərmək istəyir”. 

Bizim.Media xəbər verir ki, bunu meyxanaçı Namiq Qaraçuxurlu “Söz baz” verilişində Zümrüd Bədəlovanın “Dostlarından biri Namiq Qaraçuxurlunun həyatına qəsd etmək istəyib, sonra ondan üzr istəyib” iddiasına cavab olaraq bildirib. 

“Elə şeylər çox olub. Bir neçə dəfə hiss etmişəm ki, bu dostum mənə qarşı bu addımı atar. Onu silmişəm.

Elə insanlar olub ki, hər problemlərində yanlarında olmuşam. Mən olmasaydım, həyatları başqa cür olardı, həyatda yox idilər. Maşallah indi onların ailəsi, öz həyatı var. Əllərinə fürsət düşən kimi birinci məni vurmaq istəyiblər. Səbəbini bilmirəm” – deyə ifaçı qeyd edib. 

Bizim.Media