Sosial şəbəkələrdə illər öncə gözəllik müsabiqəsinin qalibi Nərminə Zərbəliyevanın görüntüsü böyük marağa səbəb olub.
Bizim.Media Milli.az-a istinadla xəbər verir ki, Nərminə Zərbəliyeva 1996-cı ildə Azərbaycanda keçirilən ilk milli gözəllik müsabiqəsi olan "Miss Bakı"nın qalibidir.
O, bu müsabiqənin qalibi olaraq, ölkənin ilk rəsmi "Gözəllik kraliçası" kimi tarixə düşüb.
Keçmiş model yarışmadan 29 il ötməsinə baxmayaraq, hələ də fiziki gözəlliyini qoruyub, saxlaya bilib. Zərbəliyeva əsl gözəlliyin qalıcı olduğunu hər kəsə göstərib.
Sosial şəbəkə izləyiciləri isə onu gözəlliyi dillərə "dastan" olan, dünya şöhrətli aktrisa Monika Beluççiyə bənzədiblər.
Qeyd edək ki, "Gözəllik kraliça"mız heç bir estetik və plastik əməliyyat keçirmədiyini bildirib.
Bizim.Media
