Tatlısesin sərvətinə həbs qoyulub?

"Müvəkkilim Ahmet Tatlıses ilə İbrahim Tatlıses arasında gedən məhkəmə prosesi hələ başa çatmayıb."

Bizim.Media xəbər verir ki, bu barədə Ahmet Tatlısesin vəkili açıqlama verib.

Xatırladaq ki, Ahmet Tatlıses bir müddət əvvəl atası İbrahim Tatlıseslə yaşadığı gərginlikdən sonra onun ruhi vəziyyətindən şübhələndiyini əsas gətirərək məhkəməyə müraciət etmiş və atasına qəyyum təyin olunması üçün iddia irəli sürmüşdü.

Vəkil bildirib ki, İbrahim Tatlısesin xeyrinə qərar çıxarıldığı barədə yayılan məlumatlar həqiqətə uyğun deyil:

"Hazırda məhkəmə prosesi davam edir. Bundan əlavə, İbrahim Tatlısesin şirkətlərinə məxsus əmlaklara qoyulmuş müvəqqəti məhdudiyyət qərarı da qüvvədə qalır. Növbəti məhkəmə iclası yanvarın 30-da keçiriləcək," - deyə o, qeyd edib. (Milli.az)

Bizim.Media