Mətanət İsgəndərli həyat yoldaşının ikinci arvadından danışdı: “Bir yerdə…” - VİDEO

“Həyat yoldaşım dünyasını dəyişəndə elə bildim dünya uçub, altında qalmışam”.

Bizim.Media xəbər verir ki, bunu Əməkdar artist Mətanət İsgəndərli “1 dəqiqə” verilişində keçmiş həyat yoldaşı haqda danışarkən deyib.

M.İsgəndərli “həyat yoldaşınızı sevmisiniz” sualını belə cavablandırıb:

“Bilməzdim ki, onun üçün o qədər yanacağam. İndi də yadıma düşəndə ağlayıram. Onu sevmişəm. Niyə sevməyim? Balalarımın atasıdır. Gözümü açıb onu görmüşəm”.

Əməkdar artist bildirib ki, hazırda mərhumun ikinci həyat yoldaşı ilə bacı kimidir:

“Bir yerdə rəhmətlik yoldaşımın qəbri üstünə gedirik. Ona nə aiddirsə, mənə əzizdir, doğmadır. Onun oğlu evimin ən əziz adamıdır. Onunla bir yerdə Moskvaya getmişdik. Bir də görürsən Kərimin işi olur, mən onunla gedirəm. Bir otaqda yatırıq. Elə bilirəm ki, öz balamdır”.

Bizim.Media