“Bu gün mənim doğmaca bacım Könülün ad günüdür. Bu həyatda onun sifarişiylə doğulmağımdan ziyadə, "bacılarımın tərbiyəsi və senzurasıyla adam olmuşam" deyə bilərəm”.
Bizim.Media xəbər verir ki, bu fikirləri müğənni-bəstəkar Murad Arif özünün Facebook səhifəsində bacısı, aparıcı Könül Arifqızına səslənərək yazıb.
Onun sözlərinə görə, Könül çox qiymətli şəxsiyyətdir:
“Bunu demək azdır. O şəxsiyyətin xarakteri, gücü, dəyərlərini tanımaq lazım. Onun bir tək "Bir Mahnının Tarixçəsi" verilişi bu ölkədə onlarla layihənin, aparıcıların məlumat qaynağı oldu. Aldığın "Tərəqqi medalın" da sənə o qədər halaldır ki!”.
Murad Arifin bacısına “efirlərə qayıt” deyə xitab edir: “Başın bir az administrativ işlərə qarışsa da, Könül, efirlərə qayıt. Xalqın sənə ehtiyacı var.. Amma, ən əsası üzün gülsün, xoşbəxt ol, çox və sağlam yaşa, bacı”.
Bizim.Media
