“İndi şou-biznesdə sənət yox, estetik əməliyyatlar yada düşür”.
Bizim.Media xəbər verir ki, bu sözləri müğənni Elnarə Xəlilova qonaq olduğu “YouTube”da yayımlanan “AStar” verilişində deyib.
Sənətçi bildirib ki, bir sıra sənətkarlar şou-biznesdə diktə etməli halda özlərini hörmətdən salmamaq üçün kənara çəkiliblər:
“Mənim ümumiyyətlə heç kimlə heç zaman problemim olmayıb. Adım heç bir qalmaqalda hallanmayıb. Çünki hər zaman sənətimlə gündəmdə olmağa çalışmışam. Mənə elə gəlir ki, illər keçdikcə, bu sənətə yeni nəsil gəldikcə, bu sənətdə olan söz sahibləri olan “böyüklər” şou-biznesdə vəziyyəti idarə və diktə etməlidirlər. Onlar özlərinə hörmət etdikləri üçün kənara çəkiliblər”.
Rəşad Əliyev, Bizim.Media
