“Mən həyatın hər sınağına hazıram. Əgər bu yaşımda bu sınaq idisə... Hamıya da deyirəm ki, küçəyə çıxanda və hardansa geri qayıdanda ehtiyyatlı olun. Yıxılanda bu dünyaya geri qayıtdığıma görə çox sevindim. Mən nə qədər huşsuz qalmışam bilmirəm. Gözümü açanda sarışın bir qızı gördüm. Ona sual verdim ki, “Sən kimsən?”. Müğənni Kifayət Gəncəlinin qızı olduğunu dedi”.
Bizim.Media xəbər verir ki, bu sözləri Əməkdar artist Kübra Əliyeva qonaq olduğu “Elgizlə izlə” ictimai-sosial verilişində deyib.
Sənətkar bildirib ki, bir neçə həftə əvvəl yıxılaraq ayağını əzib və başından ağır zədə alıb:
“Sanki kimsə məni qaldırıb yerə çırpmışdı. Nələrin baş verdiyindən bixəbər idim. Bu Allahdan gələn bir sınaqdır. Görünür Allah mənim hansısa bir günahımı bağışladı. Yıxılsam da, sınığım və ya çıxıntım olmadı. Əzildim... Hadisənin üzərindən 25 gün keçdi. Yıxılanda gicgahım dəyib. Hadisənin üzərindən bir gün keçəndən sonra gördüm ki, sanki gözümün içinə narı sıxmışdırlar, qıpqırmızı idi. Həmin halda şəklimi çəkib həkimə göndərdim. O mənə dərman yazdı onu qəbul etdim 2-3 gündən sonra qızartı çəkildi”.
Rəşad Əliyev, Bizim.Media
