Teleradio aparıcısı Kazım Sübhan “Rahat market” supermarketlər şəbəkəsindən şikayətçidir.
Bizim.Media xəbər verir ki, bu haqda Kazım sosial şəbəkə hesabında paylaşdığı videoaçıqlamada məlumat yayıb.
Aparıcı bildirib ki, sözügedən marketlərdən alış-veriş etdikdən sonra ona verilən ƏDV çeklərində 12 simvollu fiskal ID və QR kod keyfiyyətsiz şəkildə çap olunmasına görə, ƏDV-ni geri ala bilməyib:
“Bir neçə həftədir ki, fikir verirəm ki, “Rahat market” supermarketlər şəbəkəsinin bütün filiallarından alış-veriş etdikdən sonra görürəm ki, kassir tərəfindən təqdim olunan çeklərdə ƏDV-ni oxumaq olmur, çünki çap edən aparatın boyası bitib. Bilmirəm, bu oyundur, yoxsa “Rahat market”in pulu yoxdur, çek aparatına boya alsın. Söhbət ƏDV-dən getmir. Çünki ƏDV bizə 20-30 qəpik pul verir. Amma kimin üçünsə bu az məbləğ deyil. Bu da yeni üslubdur “Rahat market”in rahat yolu”.
Rəşad Əliyev, Bizim.Media
