Əməkdar artist Dilarə Əliyevanın sosial şəbəkələrdə yayılan görüntüsü görənləri göz yaşına boğub.
Bizim.Media xəbər verir ki, martın 22-də dəhşətli avtoqəza nəticəsində həyat yoldaşı Əməkdar mədəniyyət işçisi və "Soy production"un rəhbəri Oqtay Əliyevi itirən sənətçinin kədər içində olan sözügedən kardlarını fan səhifəsi "TikTok" sosial şəbəkə platformasında yayımlayıb.
Görüntülərin fonunda D. Əliyevanın aparıcısı olduğu "Söhbət var" verilişində dilə gətirdiyi bu kəlmələr yer alıb:
"Toparlanmaq, özünə gəlmək, qaldığın yerdən davam etmək güc və səbr istəyir. Faciə insan həyatının ayrılmaz hissəsidir. Qisməti yaşamaq, barışmaq nə qədər çətin olsa da, onu dərk etmək, özünə gəlmək, güc toplamaq və mahiyyətinə varmaq zaman istəyir".
Rəşad Əliyev, Bizim.Media
