Rusiyada yaşayan, aktyorluq və modellik fəaliyyətini uğurla davam etdirən əslən azərbaycanlı Anar Xəlilov görünüşü ilə diqqətləri üzərinə cəmləyib.
Bizim.Media xəbər verir ki, əfsanəvi punk rok qrupu “Король и шут”(Kral və təlxək” haqqında çəkilən serialın qala gecəsinə aktyor ətəklə gəlib.
Xəlilov qara rəngli dəri materialda ətəyin altından elə eyni rəngdə və materialda şalvar geyinib. Xəlilov üz cizgilərini sərtləşdirmək üçün gözlərinə sürmə də çəkib.
Onun bu addımı sosial şəbəkədə istər rus, istərsə də azərbaycanlı izləyicilər tərəfindən xoş qarşılanmayıb. Anarın ətək geyinməsini başına qaxınc ediblər. Aktyor isə yazılan tənqidlərə əhəmiyyət verməyib.
Qeyd edək ki, son illər dünyaca məşhur brendlərin bəy kolleksiyalarında yer alan ətəklər trendə çevrilib.
Rəşad Əliyev, Bizim.Media
