“Türkiyədəki zəlzələdən sonra yata bilmirəm. Psixoloqa müraciət edəcəyəm. Bütün günü görüntüləri izləyirəm. Duyğusal və emosional insanam. Yuxum yoxdur, beynim ayıqdır. Həddindən çox boyük faciədir. Bu, bütün dünyanın fəlakətidir”.
Bizim.Media xəbər verir ki, bu sözləri Xalq artisti Məleykə Əsədova “Xəbər-ətər” verilişində deyib.
Türkiyədə baş verən zəlzələdən sonra gecələr yuxuya gedə bilmədiyini söyləyən aktrisa baş verən faciəni bu sözlərlə ifadə edib:
“Hər gün tələbələri izləyirdim ki, tapılsınlar (ağlayır). İnsanlar gərək həyata bağlansınlar, bir-birini incitməsinlər, sevsinlər. Ana övladını atıb getməsin. Pislik etməyin, sevgi göstərin. Bu dünyadan hamımız gedəcəyik. Ana xilasedilcələrə deyir ki, buranı axtarın, övladım buradadır”.
Rəşad Əliyev, Bizim.Media
