Pərviz Abdullayev karyerasını sonlandırır - VİDEO

“İdman sahəsi mənim üçün sonlanır. Bu da yaşla əlaqədardır”.

Bizim.Media xəbər verir ki, bu sözləri 6 qat Dünya çempionu, “Kobra” ləqəbli Pərviz Abdullayev qonaq olduğu “Görüş yeri” verilişində deyib.

İdman karyerasını sonlandırmağa hazırlaşdığını bildirən idmançı özünü başqa səhədə sınamaq istədiyini açıqlayıb.

“Hazırda 36 yaşım var, 37 olacaq. İdmançının sona doğru getdiyi yaşlar var. 2016-cı ildən sonra uduzmamışam, ancaq qalib gəlmişəm, böyük yarışları qazanmışam. Yəqin ki, son bir-iki akkord qalıb, sonra idmandan getmək lazımdır. Çünki hər şeydən zamanında getmək gözəldir. Qarşıma həmişə hədəf qoymuşam. Demək olar ki, bütün məqsədlərimə çatmışam. İndiki hədəf başqadır, fərqli sferada olmaq istəyirəm”.    

Qeyd edək ki, P.Abdullayevin iki oğlan övladı var. 

Rəşad Əliyev, Bizim.Media