Azərbaycan qazının ilk partiyası Yunanıstan-Bolqarıstan (IGB) birləşdirici boru kəməri ilə Bolqarıstana çatıb.
Bizim.Media "yandex.ru"ya istinadən xəbər verir ki, bu barədə Bolqarıstanın BNR radiostansiyası məlumat yayıb.
Xammalın sınaq həcminin iyunun sonunadək vurulması planlaşdırılır.
IGB Trans-Adriatik Qaz Boru Kəmərinə, Yunanıstanın Milli Qaz Sisteminə və gələcəkdə Yunanıstanın liman şəhəri Aleksandrupolisdə üzən LNG-nin yenidən qazlaşdırılması zavoduna birləşdiriləcək.
Qaz kəmərinin ilkin ötürücülük qabiliyyəti ildə 3 milyard kubmetrdir, ancaq 5 milyard kubmetrə qədər genişləndirilməsi potensialı var. IGB Avropa Komissiyasının ümumi maraq doğuran layihələri siyahısındadır, Aİ buna 84 milyon avro maliyyə ayırıb.
İGB qaz kəmərinin tikintisinin 2021-ci ilin əvvəlində başa çatdırılması planlaşdırılırdı.
“Kommersant” yazır ki, onun iyulda istifadəyə verilməsi nəzərdə tutulurdu, lakin sonradan istismara verilmə müddəti ötən ilin sonunadək təxirə salınmışdı.
Bizim.Media
- A-
- A
- A+
İqtisadiyyat
18:35 / 19.06.2022
Azərbaycan qazının ilk partiyası Bolqarıstana çatdı
Hazırda oxunan: Azərbaycan qazının ilk partiyası Bolqarıstana çatdı
Hazırda oxunan: Azərbaycan qazının ilk partiyası Bolqarıstana çatdı
79970
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
