Azərbaycan və Qazaxıstan arasında saziş imzalandı

Hazırda oxunan: Azərbaycan və Qazaxıstan arasında saziş imzalandı

69280

Azərbaycan və Qazaxıstan Trans Xəzər Beynəlxalq Nəqliyyat Marşrutu (TITR) üzərindən multimod daşımalarının daha da inkişaf etdirilməsini müzakirə ediblər.

Bizim.Media QTJ mətbuat xidmətinə istinadən xəbər verir ki, müzakirələr “Qazaqstan Temir Joly” (QTZ) SC-nin idarə heyətinin sədri Nurlan Səurənbayev ilə "Azərbaycan Dəmir Yolları" QSC sədri Cavid Qurbanov arasında keçirilən görüşdə aparılıb.

Tərəflər həmin marşrut boyu ötürücü qabiliyyətinin artırılması, tranzit vaxtının azalması zərurətini qeyd ediblər.

Görüşün sonunda logistika və müştərək layihələrin icrasına dair əməkdaşlıq sazişi imzalanıb.

2021-ci ildə TITR vasitəsilə daşımalar 586,2 min ton, konteyner daşımaları isə 25 270 TEU təşkil edib.

Cari ilin birinci rübündə marşrut üzərindən 266,3 min ton yük daşınıb ki, bu da əvvəlki ilin müvafiq dövrünə nisbətən 123 % çoxdur. Konteyner daşımaları da 5 847 TEU, yəni ötən ilin müvafiq dövrünə nisbətən 19 % çox olub.

Bizim.Media