Xaçmazda yerli sahibkarlarla keçirilən görüşdə rayon ərazisində sahibkarlıq subyektlərinin yenilənməsi və yolların genişləndirilməsi müzakirə edilib.
Bizim.Media xəbər verir ki, rayonun icra başçısı Elnur Rzayevin iştirakı ilə keçirilən görüşdə bildirilib ki, Xaçmaz-Quba yolunun və Xaçmaz şəhərinin Bakı prospektinin genişləndirilməsi və bu yollarda yerləşən sahibkarların obyektlərinin fasadının müasir üslubda yenilənməsi işləri aparılır.
MÖVZU İLƏ BAĞLI:
Sahibkarlarla növbəti görüş bu rayonda olacaq
"Narahatçılığa əsas yoxdur, heç kimin obyekti əlindən alınmır. Qoyulan ümumi tələb hamıya aiddir. Turizm rayonu olan Xaçmazda çoxlu qonaqlar olur. Bütün obyektlərin fasadının eyni olması rayonun və şəhərin ümumi gözəlliyinın qorunmasına xidmət edir.
Görülən işlər zamanı müasir memarlıq üslubu qorunmaqla nəqliyyat vasitələrinin və piyadaların təhlükəsiz hətəkəti təmin olunacaq, müasir gecə işıqlandırma sistemi qurulacaq", - deyə icra başçısı bildirib.
Görüşdə yerli sahibkarların təklifləri dinlənilib, suallarına aydınlıq gətirilib.
Aytəkin Alxaslı, Bizim.Media
