Kiçik və Orta Biznesin İnkişafı Agentliyi (KOBİA) tərəfindən daha beş KOB subyektinə “Startap” şəhadətnaməsi verilib.
Agentlikdən verilən məlumata görə, bununla da “Startap” şəhadətnaməsi almış KOB subyektlərinin sayı 32-yə çatıb.
“Startap” şəhadətnaməsi “Pickpoint” MMC-nin bağlamaların çatdırılması prosesini avtomatlaşdıran onlayn platforması, “Smor” MMC-nin avtomobil ehtiyat hissələrinin satışı üçün marketpleys, “Maestro Company Limited” MMC-nin məişət xidmətləri üçün veb platforma, “Documood” MMC-nin müqavilələrin onlayn bağlanması üçün veb platforma və “Pay2play” MMC-nin rəqəmsal məhsullar (oyunlar) üçün marketpleys layihələri üçün təqdim edilib.
“Startap” şəhadətnaməsi KOB subyektlərini şəhadətnaməni aldıqları tarixdən etibarən innovasiya fəaliyyətindən əldə etdikləri gəlirlər üzrə mənfəət və gəlir vergisindən 3 il müddətinə azad edir.
Mikro və kiçik sahibkarlıq subyektləri “Startap” şəhadətnaməsi üçün KOBİA-ya müraciət edə bilərlər. Müraciət üçün ərizə forması və lazım olan digər sənədlər, eləcə də müvafiq meyarlarla bağlı ətraflı məlumatla KOBİA-nın saytından tanış olmaq olar.
Bizim.Media
- A-
- A
- A+
İqtisadiyyat
16:08 / 18.01.2022
2022-ci ilin ilk “Startap” şəhadətnamələri sahibkarlara təqdim edildi
Hazırda oxunan: 2022-ci ilin ilk “Startap” şəhadətnamələri sahibkarlara təqdim edildi
Hazırda oxunan: 2022-ci ilin ilk “Startap” şəhadətnamələri sahibkarlara təqdim edildi
55976
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
