Sentyabr ayında avqust ayı ilə müqayisədə istehlak qiymətlərində 1,8 faiz artım olub.
Bizim.Media Dövlət Statistika Komitəsinə istinadən xəbər verir ki, ötən ilin sentyabrı ilə müqayisədə isə qiymət artımı 8,5 faiz təşkil edib.
MÖVZU İLƏ BAĞLI:
Tikinti materiallarının istehsalı 72 faiz artıb
2021-ci ilin yanvar-sentyabr aylarının 2020-ci ilin müvafiq dövrü ilə müqayisəsində qiymət indeksi 105,2 faiz təşkil edib.
Sentyabrda avqustla müqayisədə nəqliyyat xidmətlərinin qiyməti 0,8 faiz azalıb, poçt və kuryer xidmətlərinin, eləcə də rabitə xidmətlərinin qiymətləri dəyişməyib.
Lakin ötən ilin sentyabrı ilə müqayisədə nəqliyyat xidmətləri 6,1 faiz, poçt və kuryer xidmətlərinin 1,8 faiz artıb. Rabitə xidmətlərinin qiymət indeksi isə dəyişməyib.
Xatirə, Bizim.Media
