İyun ayının 5-də kriptovalyuta birjalarında "Bitcoin"in qiyməti cüzi azalıb.
Bizim.Media xəbər verir ki, dünyanın ən bahalı kriptovalyutası Bakı vaxtı ilə saat 09:50-də “CoinMarketCap” platformasında 0.67% ucuzlaşaraq 104 765 ABŞ dolları təşkil edib.
Son bir gündə "Ethereum"un qiymətində isə azalma müşahidə edilib. Sözügedən kriptovalyutanın dəyəri 0.49% azalaraq 2614 ABŞ dollarına bərabər olub. İlk beşlikdə olan XRP son sutkada 1.91%, BNB isə 0.50% ucuzlaşıb.
Qeyd edək ki, "Bitcoin"in ən yüksək qiyməti bu il mayın 22-də qeydə alınıb və qiyməti 110 min dolları ötüb.
Bizim.Media
