Əhaliyə ŞAD XƏBƏR: “Sosial müavinətlər də artırılacaq”

“Növbəti mərhələdə sosial müavinətlərin artırılması ilə bağlı da qərarlar veriləcək”.

Bizim.Media xəbər verir ki, bunu deputat Vüqar Bayramov Milli Məclisin yaz sessiyasının ilk plenar iclasında çıxışı zamanı deyib.

Onun sözlərinə görə, artıq Azərbaycanda yeni sosial paketin icrasına start verilib:

“3 milyon vətəndaşımızı əhatə edəcək yeni sosial paket 1 milyon 100 min vətəndaşımızın pensiyalarında, minimum əmək haqqı məbləğinin yüksəldilməsi nəticəsində 700 mindən çox vətəndaşımızın maaşlarında və eləcə də sosial müavinət və təqaüdlərdə artımları reallaşdıracaq”.

O qeyd edib ki, fevral ayından etibarən minimum pensiya məbləği 14.3 faiz artırılaraq 320 manata çatdırılacaq:

“Sosial paket yalnız maaş və pensiya deyil eləcə də sosial müavinət və təqaüdlərdə də artımı özündə ehtiva edəcək. Növbəti mərhələdə sosial müavinət və artımlarla bağlı da qərarlar veriləcək”.

Bizim.Media