Çinin ticarət profisiti fevral ayında kəskin şəkildə artıb.
Sfera.az xəbər verir ki, xarici ticarətdə profisitin böyüməsinin əsas səbəbi idxalın daha çox azalması olub.
Çinin gömrük idarəsinin məlumatlarına görə, xarici ticarət balansı fevralda 116,88 milyard dollara yüksəlib. Yanvarda profisit 78 milyard dollar idi.
İxrac illik müqayisədə 6,8% azalsa da, idxalda azalma 10,2%-ə yüksəlib.
Qeyd edək ki, Çinin fevralda xarici ticarət dövriyyəsi 896 milyard dollar təşkil edib. Onun 506,3 milyard dolları ixracdan, 389,4 milyard dolları idxaldan ibarət olub.
Vasif
