Azərbaycanın daxili dövlət borcunun məbləği HESABLANIB

1 yanvar 2024-cü il tarixi vəziyyətinə daxili dövlət borcu 15.866,4 milyon manat və ya 2023-cü il üzrə 123.005,5 milyon manat məbləğində Ümumi Daxili Məhsulun (ÜDM) 12,9 faizini təşkil edib.

Bizim.Media xəbər verir ki, bu barədə Maliyyə Nazirliyinin məlumatında bildirilib.

Məlumata görə, qeyd edilən tarixə daxili dövlət borcunun 6.339,9 milyon manatı (40%-i) dövriyyədə olan dövlət istiqrazlarının, 175,5 milyon manatı buraxılmış veksellərin, 9.351,0 milyon manatı (58.9%-i) isə hökumətin üzərinə götürdüyü dövlət zəmanətli öhdəliklərin payına düşüb.
Hesabat tarixinə daxili dövlət borcunun 18,5 %-i 1 illik, 66 %-i 2 və 3 illik, 15,6 %-i isə 5 il və daha artıq müddətli dövlət qiymətli kağızlarının payına düşüb.

Bizim.Media