Ölkəmizdə bu il nə qədər neft-qaz hasil olunub?

Bu ilin yanvar-sentyabr aylarında Azərbaycanda 32 milyard 382,7 milyon kubmetr təbii qaz hasil edilib.

Bizim.Media Dövlət Statistika Komitəsinə istinadən xəbər verir ki, bunun 26 milyard 9 milyon kubmetri əmtəəlik təbii qazın payına düşüb.

Ötən ilin eyni dövrü ilə müqayisədə təbii qaz hasilatı 2,3 %, əmtəəlik qaz hasilatı isə 4,6 % artıb.

9 ay ərzində Azərbaycanda 22 milyon 603,5 min ton qaz kondensatı daxil olmaqla xam neft hasil edilib. Bunun 22 milyon 513,8 min tonu əmtəəlik xam neftin payına düşüb.

1 il əvvələ nisbətən neft hasilatı 7,8 %, əmtəəlik neft hasilatı isə 7,7 % azalıb.

Bizim.Media