Türkiyə lirəsi yenə UCUZLAŞDI 

İyunun 6-da Türkiyə lirəsi birjalarda antirekordunu yeniləməklə başlayıb. 

Bizim.Media xəbər verir ki, hazırda 1 dollar 21,67 TL səviyyəsinə qədər yüksəlib. Avronun məzənnəsi isə 23,71 TL səviyyəsinə çatdıqdan sonra bu dəqiqələrdə 23,10 TL kursunu davam etdirir. 

Türkiyə Mərkəzi Bankı dolların bugünkü məzənnəsini alış üzrə 21.1465 TL, satış üzrə 21.1846 TL müəyyən edib. 

Azərbaycan Mərkəzi Bankının bu günə olan rəsmi valyuta məzənnələrinə əsasən, Türkiyə lirəsi Azərbaycan manatına nəzərən də rekord şəkildə aşağı düşüb. İyunun 6-da açıqlanan məzənnəyə görə, 1 TL 0,0793 manat təşkil edir. 

Bizim.Media