“Azərbaycanda “moyka”x9dların bağlanması üçün iş aparıram”x9d

Zaman-zaman ekoloqların, alimlərin içməli su problemi ilə bağlı müraciətlərini, mülahizələrini, çıxışlarını eşidirik, oxuyuruq. Oxuduqlarımızdan, eşitdiklərimizdən bizə aydın olur ki, dünyada içməli su böhranı yaşanacaq və alimlərimiz artıq bununla bağlı həyəcan təbili çalırlar. Hətta dünya miqyasında tanınmış öncəgörücülər, münəccimlər belə bu barədə müxtəlif mülahizələr irəli sürüblər.

Bəs görəsən alimlərin içməli su böhranı ilə bağlı həyəcan təbilinə nə kimi reaksiyalar verilir? Yaranacaq böhranı önləmək üçün aidiyyati qurumlar nə kimi tədbirlər görürlər?

Moderator.az məsələ ilə bağlı suallara Azad İstehlakçılar Birliyinin sədri Eyyub Hüseynovla aydınlıq gətirməyə çalışıb.

E.Hüseynov bildirib ki, Allahın möcüzəsi hesab edilən suyun indi özünün möcüzəyə ehtiyacı var: 

“Dörd il öncə Marseldə Dünya Su Konqresində iştirak etmişəm. Konqresdə 25 min insan iştirak edirdi. Həmin konqresdə suyun Allahın möcüzəsi olduğu qərarına gəlindi. Məlum oldu ki, rəngi, dadı, qoxusu olmayan bütün mayelər soyuqda sıxılır, istidə genişlənir və bu, Allahın möcüzəsidir. İnsanın da bu möcüzəsiz yaşaması mümkünsüzdür. Yer üzərindəki insanların cəmi 30 faizi normal içməli su ilə təmin olunur. Konqresdən sonra düşündüm, insan nə qədər nadan olmalıdır ki, avtomobilini su ilə yuduzdursun. Ondan sonra avtomobilimi ildə cəmi 1-2 dəfə yuduzdururam. Azərbaycanda “moyka”x9dların bağlanması üçün iş aparıram. Su təbiətin möcüzəsidir, Allahı dərk etmək istəyirsənsə, suyun üzünə bax. Dünyanın bir çox ölkələrində içməli su qıtlığı yaşanır. Məndə şəkillər var ki, insanlar əllərini göyə açıb yağışın yağması üçün Allaha yalvarırlar”x9d.

Ekspert onu da qeyd edib ki, problemin qarşısını almaq məqsədilə ölkəmizdə də müəyyən işlər həyata keçirilir: “Azad İstehlakçılar Birliyinin sədri olaraq mən də Ekologiya və Təbii Sərvətlər Nazirliyinin yanında ictimai şuranın üzvüyəm. Nazir Hüseynqulu Bağırov hər dəfə şuranın iclasında Azərbaycanın içməli su hövzələrinin saxlanılması ilə bağlı ictimai təşkilatlara tapşırıqlar verir. Əlbəttə ki, bəşəriyyəti içməli su böhranı gözləyir və bu böhran qlobal istiləşmə fonunda ola bilər. Məncə bu böhran tez bir zamanda olmaz, lakin insanların təbiətə bu qədər müdaxiləsi insanları tez zamanda bu problemlə üz-üzə qoya bilər”x9d.  

Rumiyyə