“Qalatasaray” erməni futbolçu TRANSFER EDİR?

"Krasnodar"ın kapitanı Eduard Spertsyan karyerasını Türkiyə Super Liqasında davam etdirə bilər.

Bizim.Media xəbər verir ki, "Qalatasaray" ermənistanlı hücumameyilli yarımmüdafiəçini transfer etmək istəyir. Bu barədə Türkiyə mətbuatı məlumat yayıb.

Spertsyanın Rusiya klubu ilə müqaviləsi mövsümün sonunda başa çatır. 25 yaşlı ön xətt oyunçusu Avropada oynamaq istədiyi üçün yeni sözləşmə təklifini qəbul etməyib.

Bu fürsəti dəyərləndirmək istəyən "Qalatasaray" yanvar ayında futbolçunu uyğun qiymətə transfer etməyə çalışacaq.

Qeyd edək ki, Eduard Spertsyan "Krasnodar"ın yetirməsidir. Ermənistan millisinin üzvü bu mövsüm Premyer Liqa təmsilçisinin heyətində meydana çıxdığı 16 rəsmi matçda 5 qol və 10 məhsuldar ötürmə ilə edib.

Rəşad Rafiqoğlu, Bizim.Media