Yanvarın 17-dən 30-dək Avstraliyanın Melburn şəhərindəki kortlarında mövsümün ilk Böyük Dəbilqə turniri keçiriləcək. Turnirdə birinci nömrə altında yer alan Cokoviç ilk mərhələdə həmyerlisi Miomir Keçmanoviçlə oynamalıdır.
Bizim.Media xəbər verir ki, bu haqda informasiyanı TASS agentliyi yayıb.
Mənbə xatırladır ki, Cokoviç Avstraliya Açıq Çempionatında yarışmaq üçün Melburna uçub və Avstraliya sərhəd rəsmilərinə koronavirus peyvəndi ilə bağlı obyektiv və dürüst sübut təqdim etmədiyi üçün yanvarın 5-də hava limanında saxlanılıb.
MÖVZU İLƏ BAĞLI:
Avstraliya Cokoviçə qarşı yeni istintaqa başladı - Onu 1 il həbs gözləyir
Məhkəmədən sonra idmançının vizası ləğv edilib, onun özünə də ölkəni tərk etmək zərurəti ilə bağlı xəbərdarlıq edilib. Cokoviç sərhədçinin qərarının qanuniliyinə etiraz edərək Avstraliya federal məhkəməsinə müraciət edib və məhkəmədə qalib gəlib, lakin Avstraliya hakimiyyəti serbin vizasını ləğv edəcəyini və onun ölkədən deportasiyasını nəzərdən keçirəcəyini bildirib.
34 Cokoviç 20 Böyük Dəbilqə çempionu olub. Ümumilikdə onun Peşəkar Tennis Assosiasiyasının himayəsi altında keçirilən turnirlərdə 86 qələbəsi var. Cokoviç həm də 2008-ci il Pekin Olimpiadasının bürünc mükafatçısıdır.
Cokoviç Avstraliya Açıq Çempionatının hazırkı çempionudur.
Bizim.Media
