Bu gün futbol üzrə Azərbaycan Premyer Liqasında XI turun daha iki oyunu keçiriləcək.
Bizim.Media xəbər verir ki, günün ilk matçında "Zirə" "Səbail"i qəbul edəcək. Zirə İdman Kompleksinin stadionunda Əliyar Ağayevin idarəçiliyi ilə keçiriləcək qarşılaşma saat 16:00-da başlayacaq.
10 turdan sonra meydan sahibləri 16 xalla 4-cü, qonaqlar 9 xalla 7-ci pillədə qərarlaşıb. Son iki qarşılaşmada “Zirə” iki qolla üç xal qazanıb. "Səbail" isə ardıcıl 7 oyundur rəqibinə qalib gələ bilmir.
Günün digər görüşündə "Neftçi" "Sabah"la üz-üzə gələcək. Saat 18:15-də başlayacaq qarşılaşmanın əsas hakimiRəvan Həmzəzadə olacaq.
Flaqman 17 xalla 3-cü, qonaqlar 8 xalla 8-ci sıradadır.
Qeyd edək ki, turun açılış oyununda "Qarabağ" evdə "Keşlə"yə 1:0 hesabı ilə qalib gəlib. Tura noyabrın 21-də "Qəbələ" - "Sumqayıt" matçı ilə yekun vurulacaq.
Bizim.Media
