Kişi basketbolçuları arasında Avropa çempionatında III turun oyunları keçirilib.
Bizim.Media xəbər verir ki, A qrupunda yer alan Türkiyə millisi üçüncü matçında Portuqaliya ilə üz-üzə gəlib.
Riqa şəhərində yerləşən eyniadlı arenada oynanılan görüş "ay-ulduzlular"ın 95:54 hesablı qələbəsi ilə yekunlaşıb. Bununla da Türkiyə seçməsi 1/8 finala vəsiqəni təmin edib.
Ergin Atamanın baş məşqçisi olduğu kollektiv bundan əvvəl Latviyanı 93:73, Çexiyanı isə 92:78 hesabı ilə üstələyib.
Qeyd edək ki, Avropa çempionatına Kipr, Finlandiya, Polşa və Latviya ev sahibliyi edir. Turnirə sentyabrın 14-də yekun vurulacaq.
Bizim.Media
