Azərbaycan yığmasının hücumçusu Mahir Emreli "Kayzerslautern"in heyətində Almaniya 2-ci Bundesliqasında ilk qələbəsini qazanıb.
Bizim.Media xəbər verir ki, onun komandası 2-ci turda "Şalke"ni məğlub edib.
Qarşılaşmanın taleyini 1 qol həll edib. "Kayzerslautern" fasilədən sonra penalti zərbəsində fərqlənib. Start heyətində yer alan Mahir 72-ci dəqiqədə əvəzlənib. O, bundan 20 dəqiqə əvvəl sarı vərəqə ilə cəzlandırılıb.
Qeyd edək ki, ilk turda eyni hesabda uduzan Emrelinin komandası 2 turdan sona 3 xalla 11-cidir. "Qırmızı iblislər" növbəti turda "Elversberq"in qonağı olacaqlar.
Rəşad Rafiqoğlu, Bizim.Media
