Azərbaycanlı şahmatçı Ülviyyə Fətəliyeva Avropa Klublar kubokunun bürünc medalını qazanıb.
Bizim.Media xəbər verir ki, onun çıxış etdiyi "SuperChess" yarışı 10 xalla başa vurub.
Vranyaçka-Banyada (Serbiya) keçirilən kubokda Ülviyyə Rumıniya təmsilçisinin ən yaxşı nəticə göstərən şahmatçılarından biri olub. Fətəliyeva 6 xalla 5-ci lövhədə ikinci olub. O, bu nəticəyə görə xüsusi mükafata laylq görülüb.
Qeyd edək ki, "SuperChess" heyətində Ülviyyə ilə bərabər Nino Basiaşvili (Gürcüstan), Dinara Vaqner (Rumıniya), İrina Bulmaqa (Rumıniya) və Marsel Yefroimski (İsrail) çıxış edib.
Rəşad Rafiqoğlu, Bizim.Media
