Millimiz Lüksemburqa UDUZDU

Kişi voleybolçulardan ibarət Azərbaycan millisi bu gün növbəti oyununu keçirib. 

Bizim.Media xəbər verir ki, yığmamız Qızıl Avropa Liqasında Lüksemburqla qarşılaşıb. 

Bu, Fərid Cəlalovun yetirmələrinin turnirdə sonuncu matçı olub. İlk 5 oyunda set qazana bilməyən komandamız uğursuz seriyaya son qoyub. Komandamız Lükseburqla görüşdə 2:1 hesabı ilə önə keçsə də, üstünlüyünü qoruya bilməyib. Millimiz mövsümü 2 set və 1 xalla başa vurub. 

Qeyd edək ki, qarşılaşma Estoniyanın Rakvere şəhərində keçirilib.

Qızıl Avropa Liqası (kişilər)

III mərhələ

1 iyun

17:00. Lüksemburq – Azərbaycan - 3:2 (25:20, 22:25, 21:25, 25:17, 25:11)

Hakimlər: Risto Strandson (Estoniya), Ari Yokelaynen (Finlandiya)

Rakvere İdman Zalı

Rəşad Rafiqoğlu, Bizim.Media