“Sərhədçi” və “Neftçi” qalib gəldi - FOTO

Bu gün Azərbaycan Basketbol Liqasında 11-ci tura start verilib. 

Bizim.Media xəbər verir ki, turun ilk günündə 2 matç keçirilib.

Hər 2 qarşılaşma Bakıda baş tutub. Ötən tur qalib gələn “Sərhədçi” bu mövsüm zəfər qazana bilməyən “Şəki”ni məğlub edib. Komanda yeni baş məşqçinin gəlişindən sonra ardıcıl ikinci qələbəsini qazanıb.
İlk dövrədə öz meydanında “Neftçi”yə uduzan “Cəlilabad” isə revanş almağa çox yaxın olub. Komanda uzun müddət hesabda öndə olsa da, son periodda "ağ-qaralar" üstünlüyü ələ keçiriblər. "Neftçi" 9 xal fərqi ilə qalib gəlib.

Qeyd edək ki, tura yanvarın 21-də yekun vurulacaq.

XI tur

17 yanvar

16:00. “Sərhədçi” – “Şəki” - 112:82 (29:17, 36:17, 20:20, 27:28)

“Sərhədçi” İdman Mərkəzi

19:30. “Neftçi” – “Cəlilabad” - 72:63 (18:23, 16:13, 15:14, 23:13)

“Sərhədçi” İdman Mərkəzi






Rəşad Rafiqoğlu, Bizim.Media