“Səbail”in hücumçusu “Kəpəz”ə keçə bilər

Amil Yunanov qış fasiləsində klubunu dəyişməyə hazırlaşır. 

Bizim.Media xəbər verir ki, “Səbail”in forvardının xidmətində bir neçə klub maraqlıdır. 

Ən real təklif isə “Kəpəz”dən gəlib. Adil Şükürov 30 yaşlı hücumçunu sərəncamında görməyi çox istəyir. Paytaxt klubunda çox şans qazanmayan “9 nömrə” daha çox oynamaq imkanı əldə edəcəyi yerə getməkdə maraqlıdır. 

Hazırda futbolçunun transferi ilə bağlı klublar arasında danışıqlar gedir.  

Qeyd edək ki, Amil Yunanovun Bayıl təmsilçisi ilə yaya qədər qüvvədə olan müqaviləsi var.

Rəşad Rafiqoğlu, Bizim.Media