Dani Alveşin işi ilə bağlı istintaq başa çatdı

Barselona məhkəməsi gecə klubunda qıza təcavüz etməkdə təqsirləndirilən Dani Alveşin işi üzrə istintaqı başa çatdırıb. 

Bizim.Media xəbər verir ki, bu barədə “Footmercato” məlumat yayıb. 

Tezliklə sınaq mərhələsinin başlamalı olduğu, bundan sonra 2Barselona"nın və Braziliya millisinin sabiq futbolçusu ilə bağlı qərarın veriləcəyi bildirilir.

Məhkəmənin bu mərhələsinə hazırlaşmaq üçün ittiham və müdafiə tərəfinə 5 gün vaxt verildiyi vurğulanır. Hər bir tərəf Alveşin istintaqa cəlb edilməsinə səbəb olan hadisələrlə bağlı öz versiyasını təqdim etməlidir. 
Xatırladaq ki, Alveş 6 aydan çoxdur ki, Kataloniya həbsxanasında saxlanılır. Yanvar ayında o, Barselonadakı "Sutton" gecə klubunda 23 yaşlı qızı zorlamaqda ittiham olunub. 

Bizim.Media